ახალციხეში ერთმანეთს სამი მანქანა შეეჯახა

ავტოსაგზაო შემთხვევა, დაახლოებით, ნახევარი საათის წინ მოხდა. „ოპელის“ მარკის ავტომობილი რუსთაველის ქუჩაზე მაღალი სიჩქარით მოძრაობდა, მძღოლმა ავტომანქანებს შორის მანძილი ვერ გათვალა, რის შედეგადაც მის წინ მდგომ მანქანას დაეჯახა. ის მანქანა კი რომელსაც „ოპელის“ მარკის ავტომობილი დაეჯახა, მის წინ მდგომ „ფორდის“ მარკის ავტომობილს შეეჯახა.

შემთხვევის შედეგად არავინ დაშავებულა, თუმცა, დაზიანდა სამივე მანქანა.

შინაგან საქმეთა სამინისტროს ინფორმაციით, მომხდარზე ადმინისტრაციული ჯარიმა გაფორმდა.



[ვარლამ წიკლაური, ახალციხე]