ახალციხის მერიაში საპატიო მოქალაქეობის კანდიდატების წარსადგენად განაცხადების შეტანა დაიწყო

2018 წლის საპატიო მოქალაქეები

ახალციხის საპატიო მოქალაქეებს 30 ივნისს, შალვა ახალციხელის ხსენების დღისადმი მიძღვნილ ღონისძიებაზე ასახელებდნენ, თუმცა წელს პანდემიის გამო ღონისძიება სავარაუდოდ არ იქნება, საპატიო მოქალაქეებს კი მაინც აირჩევენ.

წარდგენილ კანდიდატურაზე, დადებით სარეკომენდაციო დასკვნას, ახალციხის მერიაში შექმნილი სამუშაო ჯგუფი გასცემს.

„დადებითი დასკვნის გაცემის შემდეგ საჭიროა კანდიდატის წერილობითი თანხმობა და მისი ორი ფოტოსურათი, ზომით 3X4“, – აცხადებენ ახალციხის მუნიიცპალიტეტის მერიაში.

2013 წლიდან დღემდე საპატიო მოქალაქის სტატუსი ახალციხეში 22 მოქალაქეს მიანიჭეს.

ახალციხის საპატიო მოქალაქეთა სრული სია:

2019 წელი - სამცხე–ჯავახეთის ისტორიული მუზეუმის დირექტორი ციური ლაფაჩი, „ადგილის დედა –ახალციხეს“ რედაქტორი იზოლდა წიქარიშვილი, ნეკრესის მიტროპოლიტი სერგი ჩეკურიშვილი და ახალციხის მესამე საჯარო სკოლის დაწყებითი კლასის მასწავლებელი მარიამ კარაპეტიანი.

2018 წელი – ცაგერისა და ლენტეხის მიტროპოლიტი სტეფანე კალაიჯიშვილი, ექიმი რუზანა მელიქიანი და ხალხური რეწვის ოსტატი მარიამ ჟუჟუნაძე;

2017 წელი – ზიგმუნდ ზილბერშტეინი, დევიდ ფოლკნერი –ინგლისის ნიუკასლის ყოფილი საკრებულოს თავმჯდომარე და ცისანა ახვლედიანი – ახალციხის სამუსიკო სკოლის დირექტორი;

2016 წელი – თინათინ ჯაყელი, ნათელა იაძე და ლელა ნაროზაული;

2015 წელი – მერაბ ბერიძე, ელგუჯა კოპაძე და ვასილ კვინცხაძე;

2014 წელი – ომარ ჯაყელი, ვახტანგ კვესელაძე და მამა სტეფანე;

2013 წელი – კოპოზიტორი ვაჟა აზარაშვილი, გიტარისტი თემურ ყვითელაშვილი და რეჟისორი თემურ ჩხეიძე;

[მარიამ ბარძიმაძე,ახალციხე]