ახალციხის საპატიო მოქალაქეები დაასახელეს

დღეს, 30 ივნისს „ახალციხელობა 2019“–ის დღისადმი მიძღვნილ ღონისძიებაზე ახალციხის ოთხი საპატიო მოქალაქე დაასახელეს. ესენი არიან: სამცხე–ჯავახეთის ისტორიული მუზეუმის დირექტორი ციური ლაფაჩი, „ადგილის დედა –ახალციხეს“ რედაქტორი იზოლდა წიქარიშვილი, ნეკრესის მიტროპოლიტი სერგი ჩეკურიშვილი და ახალციხის მესამე საჯარო სკოლის დაწყებითი კლასის მასწავლებელი მარიამ კარაპეტიანი.

„დიდი სიყვარული სუფევს ახალციხეში, ყველა ეროვნების ხალხი იყვნენ აქ, ებრაელები ბერძნები და ყელა გამოხატავდა დიდ სიყვარულს. მინდა დიდი მადლობა გადაგიხადოთ, ასეთი რამ იშვიათ ქალაქს აქვს და მინდა გთხოვოთ, რომ ეს სიყვარული შეინარჩუნოთ“, – განაცხადა ნეკრესის მიტროპოლიტმა სერგი ჩეკურიშვილმა.

„ძალიან ბედიერი ვარ, რომ თქვენს წინ ვდგავარ და დღეს ასეთ საპატიო მდგომაროებაში ავღმოჩნდი, როგორც ჩვენი ქალაქის ერთ–ერთი წარმოამდგენელი. ახალციხე თავის წარსულით ძალიან მნიშვნელოვანი და ძალიან მრავლის მთქმელი ქალაქია. იყო საპატიო მოქალაქე და გირჩევდეს ახალციხის საზოგადოება ეს არის ძალიან უმნიშვნელოვანესი ფაქტი“, – ამ სიტყვებით მიმართა სტუმრებს ციური ლაფაჩმა.

„მართალია მე ბორჯომში დავიბადე, მაგრამ ახალციხეში გავიზარდე და დავფრთიანდი და მთელი ჩემი მთელი ენერგია მოვახმარე იმას ,რომ ახალციხე ყოფილიყო ძლიერი და კარგი“, – განაცხადა იზოლდა წიქარიშვილმა.

2013 წლიდან დღემდე საპატიო მოქალაქის სტატუსი ახალციხეში 22 მოქალაქეს მიანიჭეს.

ახალციხის საპატიო მოქალაქეთა სია:

2018 წელი – ცაგერისა და ლენტეხის მიტროპოლიტი სტეფანე კალაიჯიშვილი, ექიმი რუზანა მელიქიანი და ხალხური რეწვის ოსტატი მარიამ ჟუჟუნაძე;

2017 წელი – ზიგმუნდ ზილბერშტეინი, დევიდ ფოლკნერი –ინგლისის ნიუკასლის ყოფილი საკრებულოს თავმჯდომარე და ცისანა ახვლედიანი – ახალციხის სამუსიკო სკოლის დირექტორი;

2016 წელი – თინათინ ჯაყელი, ნათელა იაძე და ლელა ნაროზაული;

2015 წელი – მერაბ ბერიძე, ელგუჯა კოპაძე და ვასილ კვინცხაძე;

2014 წელი – ომარ ჯაყელი, ვახტანგ კვესელაძე და მამა სტეფანე;

2013 წელი – კოპოზიტორი ვაჟა აზარაშვილი, გიტარისტი თემურ ყვითელაშვილი და რეჟისორი თემურ ჩხეიძე;



[მარიამ ბარძიმაძე, ახალციხე]