ახალციხის მერია საპატიო მოქალაქეებს არჩევს

მოქალაქეებს სასურველი კანდიდატის შერჩევა სოციალურ ქსელში, ფეისბუქის საშუალებით, ხმის მიცემით შეუძლიათ. ასევე, მერია მოქალაქეებს შემთხვევითი შერჩევის პრინციპით, ქუჩაშიც გამოკითხავს.

2016 წელს, სამი საპატიო მოქალაქის შერჩევა ახალციხელებს 10 კანდიდატს შორის მოუხდებათ: ნათელა იაძე, თინათინ ჯაყელი, ნუნუ აბდუშელიშვილი, ნატო ყრუაშვილი, ლელა ნაროზაული, ვოვა ზედგინიძე, ცისანა ახვლედიანი, ლია სულუაშვილი, მედეა ჟღენტი, ვაჟა ნიკოლაიშვილი.

ახალციხის მერიაში განმარტავენ, რომ ხმათა უმრავლეოსბით სამი მათგანი „ახალციხელობის“ დღესასწაულზე 30 ივნისს საზეიმოდ გამოვლინდება.

მიმდინარე წლის ათი კანდიდატიდან სამი – ცისანა ახვლედიანი, ლია სულუაშვილი და ნათელა იაძე – საპატიო მოქალაქეობის კანდიდატი 2015 წელსაც იყო.

შარშან, საპატიო ახალციხელები მერაბ ბერიძე, ვასილ კვინცხაძე და ქალაქის მერის მამა, ელგუჯა კოპაძე გახდნენ.




[ლუბა გიორგაძე, ახალციხე]