‘გამოჯანმრთელებული პაციენტების რაოდენობამ 80%-ს მიაღწია’ - ეზუგბაია

„გამოჯანმრთელებულთა რაოდენობა გაიზარდა 10-ით. 624 იყო და ამჟამად გვყავს 634. გამოჯანმრთელებული პაციენტების რაოდენობამ უკვე 80%-ს მიაღწია, დადასტურებულთან შედარებით. ამ ეტაპზე, მხოლოდ 150 პაციენტი მკურნალობს კოვიდ ცენტრებში. თითქმის სამჯერ ნაკლებია უკვე მკურნალობაზე მყოფი პაციენტები გამოჯანმრთელებულებთან შედარებით“, - განაცხადა ეზუგბაიამ.

მისივე თქმით, 2 ივნისს დადასტურებული ორი ახალი შემთხვევა მარნეულის მუნიციპალიტეტის სოფელ მარეთიდანაა.

კონკრეტულად ინფექციურ საავადმყოფოში ამ ეტაპზე 58 დადასტურებული შემთხვევაა, გუშინ, 1-ელ ივნისს ერთი გამოჯანმრთელდა და სამი დადასტურებული ისევ შეიყვანეს: „ჩვენთან, გუშინ შემოვიდა 3 დადასტურებული შემთხვევა და ერთი შესაძლო, თუმცა ეს ერთი ოჯახია, დიდი ალბათობით ესეც დადასტურებული იქნება. ჩავთვალოთ, რომ 4 დადასტურებული შემთხვევაა და ეს ოთხი, საბურთალოს წყაროსთან კონტაქტში მყოფი პირები არიან“.

2 ივნისის მდგომარეობით, საქართველოში სულ 794 კოვიდინფიცირებული პაციენტია.

[sknews.ge]