სოლიდარობა აჭარის საზოგადოებრივი მაუწყებლის ჟურნალისტებს – ონლაინ მედიის აქცია ფეისბუკზე

აქციის ორგანიზატორია კოალიცია მედიის ადვოკატირებისთვის. გამოცემების ფეისბუკ გვერდებზე მხარდამჭერი ფოტო დღის ბოლომდე იქნება.

ონლაინ გამოცემები მხარდაჭერას უცხადებენ აჭარის საზოგადოებრივი მაუწყებლის იმ ჟურნალისტებს, რომლებიც ახალი დირექტორის, გიორგი კოხრეიძის მისვლის შემდეგ გაათავისუფლეს.

კოალიცია “მედიის ადვოკატირებისთვის” წევრი ორგანიზაციები მიიჩნევენ, რომ აჭარის ტელევიზიაზე თანამშრომლების განსხვავებული მოსაზრების გამო მათი დევნა და შევიწროება უწყვეტად გრძელდება.

3 მაისს, პრესის თავისუფლების დღეს, ტელევიზიებმა იგივე შინაარსის წარწერით მხარდაჭერა გამოუცხადეს აჭარის ტელევიზიის ყოფილ და მოქმედ თანამშრომლებს.

დღევანდელ აქციას შეუერთდნენ: ნეტგაზეთი, პუბლიკა, ონ.ჯი, ტაბულა, ინდიგო, OC Media, აი ფაქტი, ინტერპრესნიუსი, ჟურნალისტიკის რესურცენტრი, სამოქალაქო ჟურნალისტიკის პლატფორმა “გხედავ”, ბათუმელები, სამხრეთის კარიბჭე, ქუთაისი პოსტი, მედია.ჯი, ღია რუსთავი, აქცენტნიუსი, ლაივპრესი, TOK TV, TV 25, ტელეკომპანია გურია, ტელეკომპანია ბორჯომი, რადიო მარნეული, რადიო ჰერეთი, რადიო ათინათი, რუსთავი 2, ფორმულა, პალიტრა ვიდეო.



[sknews.ge]