სოლიდარობა აჭარის ტელევიზიას

დღეს, 3 მაისს, პრესის თავისუფლების მსოფლიო დღეს, 15-ზე მეტი ეროვნული და რეგიონული მაუწყებელი აჭარის საზოგადოებრივი მაუწყებლის ჟურნალისტების მხარდასაჭერად აქციას მართავს. ინფორმაციას ამის შესახებ „მედიაჩეკერი“ ავრცელებს.

სოლიდარობის გამოსახატავად, მაუწყებლები 19:00 საათზე ეთერს ერთი წუთით გათიშავენ და ეკრანებზე გამოჩნდება წარწერა “სოლიდარობა აჭარის საზოგადოებრივი მაუწყებლის ჟურნალისტებს”.

აქცია მედიაკოალიციის ორგანიზებით ტარდება. მისი მიზანი აჭარის ტელევიზიის ჟურნალისტებისთვის სოლიდარობის გამოხატვა და საზოგადოებისთვის აჭარის მაუწყებელში ბოლო პერიოდში განვითარებული მოვლენებს შეხსენებაა.

აჭარის საზოგადოებრივი ტელევიზიის თანამშრომლები, 2019 წლის 19 აპრილს, არხის დირექტორის ნათია კაპანაძს პოსტიდან გაათავისუფლებისა და ამ თანამდებობაზე გიორგი კოხრეიძის დანიშვნის შემდეგ ზეწოლაზე, დევნასა და ცენზურაზე საუბრობენ.

[sknews.ge]