აჭარის ტელევიზიის მხარდასაჭერად აქცია გაიმართა

ფოტო: ნეტგაზეთი

საპროტესტო აქცია ბათუმში ექვს მარტს გაიმართა. აჭარის ტელევიზიის ჟურნალისტები დამოუკიდებლობის მოთხოვნით ევროპის მოედანზე გამოვიდნენ.

მათი თქმით, არასამართლიანია საინფორმაციო გამოშვების წამყვანის, თეონა ბაკურიძისთვის უფლებამოსილების შეჩერება.

თეონა ბაკურიძე ერთ-ერთია აჭარის ტელევიზიის სხვა თანამშრომლებს შორის, რომლებიც მიიჩნევენ, რომ ტელევიზიის ამჟამინდელი დირექტორი მათ სარედაქციო დამოუკიდებლობაში ერევა.

უფლებამოსილების შეჩერების ბრძანებას ხელს სწორედ მაუწყებლის დირექტორი გიორგი კოხრეიძე აწერს. დოკუმენტში წერია, რომ თეონა ბაკურიძეს „დროებით აეკრძალოს შრომითი ხელშერკრულებით გაწერილი კონკრეტული საქმიანობის განხორციელება და ჩამოშორებული იქნას ტელევიზიის ეთერიდან“.

აჭარის ტელევიზიაში დირექტორმა, გიორგი კოხრეიძემ უფლებამოსილება შეუმცირა თავის მოადგილეს, ნათია ზოიძეს, რომელსაც ამ მიზეზით არხიდან წასვლა მოუწია. გარდა ამისა, აღარ გაუგრძელა საინფორმაციო სამსახურის ერთ პროდიუსერს კონტრაქტი, ხოლო მეორეს — მთავარი გამოშვების პროდიუსერს, თანამდებობა გაუუქმა.

[sknews.ge]