აჭარის საზოგადოებრივი მაუწყებლიდან თანამშრომლების გათავისუფლება გრძელდება

უკვე მეორე დღეა, აჭარის საზოგადოებრივ მაუწყებელთან ტელევიზიის თანამშრომლები და „ალტერნატიული პროფკავშირების“ წევრები მაუწყებლის სამი თანამშრომლის გათავისუფლებას აპროტესტებენ და პერმანენტულ აქციებს აანონსებენ, რომელიც დღეს, 19 საათიდან დაიწყება.

ამასთანავე, აჭარის ტელევიზიის ჟურნალისტებმა ხელმოწერების შეგროვება დაიწყეს და სამსახურიდან გათავისუფლებული კოლეგების დაბრუნებას ითხოვენ.

ფაქტზე განცხადება გაავრცელა ჟურნალისტური ეთიკის ქარტიამ.

„ქარტია დაუშვებლად მიიჩნევს აჭარის საზოგადოებრივი მაუწყებლის ტელევიზიისა და რადიოს მენეჯმენტის მიერ ისეთ საკადრო პოლიტიკის გაგრძელებას, რომელიც სამსახურიდან დევნის პროფესიონალ კადრებს და ანგრევს საზოგადოებრივი მაუწყებლის პრინციპებს. ქარტია მოუწოდებს საერთაშორისო ორგანიზაციებს დაინტერესდნენ აჭარის საზოგადოებრივ მაუწყებელში მიმდინარე პროცესებით“, – ვკითხულობთ განცხადებაში.

[sknews.ge]