ახალციხის ‘ცხელების ცენტრში’ კორონავირუსზე ანალიზების პასუხები ცნობილია

როგორც, „ცხელების ცენტრში“ განგვიმარტეს, 28–დან კორონავირუსი არცერთ მათგანს აღმოაჩნდა.

„გუშინ გადავაგზავნეთ 10 პაციენტის და 18 თანამშრომლის ბიოლოგიური მასალა, ყველას პასუხი უარყოფითია. დილის მონაცემებით, ხუთი პაციენტის ანალიზი გვაქვს გადასაგზავნი, შესაძლოა დაემატოს კიდევ დღის განმავლობაში“, – გვითხრა კლინიკის დირექტორმა გიორგი ბარძიმაძემ.

გაგზავნილი ანალიზების პასუხი ხვალ დილით იქნება ცნობილი.

რაც შეეხება ბორჯომის „ცხელების ცენტრს“, გუშინ ერთი პაციენტის და 12 მედპერსონალის კვლევის შედეგები მიიღეს.

„45 წლამდე კაცის ანალიზის პასუხი უარყოფითია და ის გადაყვანილია თერაპიულ განყოფილებაში, ასევე 12 თანამშრომლის ანალიზის პასუხიც მივიღეთ და ყველა უარყოფითია“, – გვითხრეს ცხლების ცენტრში.

ამ დროისთვის ბორჯომის „ცხელების ცენტრში“ არავინ იმყოფება, ასევე თავისუფალია აბასთუმნის ფილტვის ცენტრიც.

[ნუკა სტეფნაძე, ახალციხე]