‘ინფიცირებულთა რიცხვის მკვეთრად შემცირების ტენდენცია გვაქვს’ - რატიანი

„ძალიან მალე დასრულდება ეს აურ-ზაური, რაც ამ წუთში ჩვენს ქვეყანაში და სამწუხაროდ სამყაროშია. დადგება მომენტი, როცა ალბათ ამ ვირუსთან ერთად მოგვიწევს თანაცხოვრება. ადამიანი ამ ვირუსის მიმღები შეიძლება იყოს, მაგრამ დაავადება სავარაუდოდ არ გამომჟღავნდება“, - აცხადებს რატიანი.

მისივე თქმით, პირველ საუნივერსიტეტო კლინიკაში სამკურნალო საშაულებების დეფიციტი არ არსებობს - „დაახლოებით გვაქვს ერთი თვის მარაგი, რომელიც ალბათ არ დაგვიჭირდება“.

კლინიკაში დღეს, 8 მაისს ორი ახალი შემთხვევა მიიღეს, თუმცა მათ ჯერ დადასტურებული კოვიდ ინფექცია არ აქვთ.

„ამ ეტაპზე, კლინიკაში გვყავს ყველაზე მცირე რაოდენობა პაციენტების. 75 პაციენტიდან 58 ინფიცირებული შემთხვევა დაგვრჩა. სამი პაციენტი რამდენიმე წუთში დატოვებს კლინიკას. უარყოფითი კლინიკა არცერთ პაციენტთან არ ფიქსირდება. რეანიმაციაში გვრჩება 4 პაციენტი, მათგან ერთი თერაპიულ განყოფილებაში გადადის. ორი პაციენტის მდგომარეობა მეტ-ნაკლებად მძიმეა, ისინი იმყოფებიან ფილტვის ხელოვნურ ვენტილაციაზე“, - აცხადებს რატიანი.

[თაკო ფეიქრიშვილი]