11 მაისიდან კარანტინში მყოფი პირების სავალდებულო PCR ტესტირება იწყება

Covid 19-ზე ტესტს კარანტინში მყოფ პირებს ლაბორატორიის თანამშრომლები მე–13 დღეს აუღებენ. ამის შესახებ თამარ გაბუნიამ „რადიო თავისუფლებასთნ“ განაცხადა.

„თუკი პასუხი იქნება უარყოფითი, ისინი მეთოთხმეტე დღეს დატოვებენ საკარანტინო სივრცეს. ჩვენ ეს გადაწყვეტილება მივიღეთ მას შემდეგ, რაც დაფიქსირდა არაერთი შემთხვევა, როდესაც საკარანტინო სივრცეებში მოთავსებული პირების დიდ ნაწილს, კორონავირუსის შემთხვევები სწორედ მეცამეტე-მეთოთხმეტე დღეს გამოუვლინდა. გგონია, რომ ჩავლილია საკარანტინო პერიოდი და საფრთხე არ გვემუქრება, თუმცა, სიმპტომები სწორედ მეცამეტე-მეთოთხმეტე დღეს ვლინდება. ამდენად, ორშაბათიდან ამოქმედდება კარანტინში მყოფი პირების სავალდებულო PCR ტესტირება“,– თქვა გაბუნიამ.

დღეს მონაცმებით, საქართველოში კოვიდინფიცირების 610 დადასტურებული შემთხვევაა, აქედან 269 გამოჯანმრთელდა, ხოლო ცხრა გარდაიცვალა, ამჟამად კარანინის რეჟიმში 5 133 პირი იმყოფება, სტაციონალური მეთვალყუყრეობის ქვეშ კი 523.

[sknews.ge]