ახალციხის ‘ცხელების ცენტრიდან’ გაგზავნილი ანალიზების პასუხები ცნობილია

დღეს, 27 აპრილს, „ცხელების ცენტრში“ აცხადებენ, რომ ჰყავთ, როგორც ადგილობრივები ასევე საკარანტინო ზონიდან შეყვანილი ცხელებიანი პაციენტები.

„რაც გაგზავნილი გვქონდა ყველას პასუხი უარყოფითია, დღეს გადავაგზავნეთ ოთხი ანალიზი და გვიან ღამე გვეცოდინება მათი პასუხები. პაციენტებიდან ზოგი ადგილობრივია, ზოგი საკარანტინო ზონიდან“, – გვითხრა კლინიკის დირექტორმა გიორგი ბარძიმაძემ.

ახალციხის კლინიკა „იმედში“, სადაც „ცხელების ცენტრია“ გახსნილი, დღემდე 39 ცხელებიანი პაციენტი მიიღეს. ჩატარებული კველევებიდან covid–19 ერთ პაციენტს დაუდასტურდა, შუახნის მამაკაცს, რომელიც ახალციხის საკარანტინო ზონიდან გადმოიყვანეს.

„კლინიკა „იმედი“ არის 60 საწოლიანი. რამდენ ცხელებიან პაციენტს მივიღებთ, ვნახოთ. პალატები სხვანირად არის, საწოლები სხვანაირად და ა.შ.“,– ამბობს ბარძიმაძემ.

მისივე განმარტებით, მომავალში, როგორც ყველაგან მათ კლინიკაშიც იგეგმება თანამშრომლების ტესტრიება.

„ახლა ზუსტად არ ვიცი რამდენი თანამშრომელი ემსახურება ცხელებინ პაციენტებს. რაც შეეხება თანამშრომელბის ტესტირებას, ჯერ არ ჩაგვიატრაებია, მაგრამ როგორც ყველაგან, ჩვენთანაც მომავალში ჩატარდება“.

ამ დრომდე, თავისუფალია აბასთუმნის ფილტვის ცენტრი, რომელიც ასევე „ცხელების ცენტრად“ გადაკეთდა.

[ნუკა სტეფნაძე, ახალციხე]