ახალციხის 'ცხელების ცენტრში' ცხრა ანალიზის პასუხს ელოდებიან

„ახლა ცხრა ანალიზის პასუხია გაგზავნილი ჩვენგან, ზოგი პაციენტი ეწერება კლინიკიდან, ვისაც უარყოფითი ანალიზი მოუვიდა. ეტაპობრივად ხდება პაციენტების მიღება და გაწერა“,– გვითხრა კლინიკის დირექტორმა გიორგი ბარძიმაძემ.

დღეს, 29 აპრილის ახალციხის „ცხელების ცენტრში“ კორონავირუსის მეორე შემთხვეა დაფიქსირდა პირს, რომელსაც ვირუსი დაუდასტურდა საკარანტინო ზონიდან იყო გადაყვანილი. როგორც კლინიკის დირექტორი ამბობს, მას რეგიონის მცხოვრებლებთან შეხება არ ჰქონია.

„დღეს რომელ პაციენტსაც კორონავირუსი დაუდასტურდა ის დილითვე გადაიყვანეს ჩვენი კლინიკიდან. ჩვენ ვახდენთ ხოლმე საგანგებოს გამოძახებას და მერე ის გადაწყვეტს სად მოხდება პაციენტის მოთავსება. ეს პირი ჩვენი რეგიონის მაცხოვრებელი არ არის. ის იმყოფებოდა საკარანტინო ზონაში და არ ჰქონია კონტაქტი ადგილობრივებთან“,– ამბობს ბარძიმაძე.

ამ დროისთვის, ერთი პაციენტია ბორჯომში „ცხელბის ცენტრში“ როგორ, კლინიკაში განგვიმარტეს შუახნის მამაკაცი ადგილობრივია, რომელსაც ტემპერტურის მატებით მოთავსდა კლინიკაში.

„ერთი პაციენტი გვყავს ახლა კლინიკაში, 45 წლამდე მამაკაცი, რომელიც ადგილობრივია, რადგან ცხელებით შემოვიდა, მას ხვალ დილით ავუღებთ ანალიზს და გადავაგზავნით ლუგარის ლაბორატორიაში პასუხი სავარუდოდ მეორე დილით იქნება“,– ამბობს კლინიკის დირექტორი ირაკლი დიასამიძე.

ამ დროისთვის ცარიელია აბასთუმნის ფილტვის ცენტრი, რომელიც მიმდინარე თვეში „ცხელების ცენტრად“ გადაკეთდა. ასევე არ ყავთ ცელებიათ პაციენტი ახალციხის რეფერალურ ჰოსპიტალში , რომელსაც საჭიროების შემთხვევაში ცხელებიანი პირების მიღება შეუძლიათ.

[ნუკა სტეფნაძე, ახალციხე]