COVID-19: როდის დაიწყება შეზღუდვების მოხსნის მეორე ეტაპი

კორონავირუსის პანდემიის გამო დაწესებული შეზღუდვების მოხსნის პირველი ეტაპზე, რომელიც 27 აპრილიდან დაიწყო, შესაძლებელი გახდა ონლაინ ვაჭრობა, ავტომობილებით გადაადგილება და ღია ტიპის აგრალური ბაზრების ფუნქციონირება.

მთავრობის გათვლებით, თუ ეპიდსიტუაცია არ გაუარესდება 11 მაისიდან ქვეყანაში აღდგება სამშენებლო მასალების წარმოება, მუშაობას დაიწყებენ ავტოსამრეცხაოები, შესაძლებელი იქნება კომპიუტერების და პირადი საყოფაცხოვრებო საქონლის შეკეთება და სარეკრეაციო ზონების ფუნქციონირება.

ანტიკრიზისული გეგმის მიხედვით, სტაბილური ეპიდსიტუაციის შემთხვევაში მესამე ეტაპი მაისის ბოლოს უნდა დაიწყოს, რაც ნიშნავს იმას რომ გაიხსნება საცალო და საბითუმო მაღაზიები (გარდა დიდი სავაჭრო ცენტრების) ამავე ეტაპზე გაიხსნება დახურული ტიპის ბაზრობები და საგამომცემლო საქმიანობა.

ვაჭრობის გახსნის შემდეგ, თუკი კვლავ იგივე ეპიდსურათი გევექნება, ორი კვირის თავზე ფუნქციონირებას დაიწყებენ დიდი სავაჭრო ცენტრები, ღია ტიპის რესტორნები, აღდგება ყველა სახის საფინანსო მომსახურება და სილამაზის სალონები და ესთეტიური ცენტრებიც შეძლებენ საქმიანობას. ეს დაახლოებით ივნისის შუა რიცხვებში მოხდება.

ივნისის ბოლოს კი მეხუთე ეტაპია მოსალოდნელი, როდესაც ყველა ტიპის კვების ობიექტი შეძლებს ფუნქციონირებას. ივლისის დასაწყისში კი შეზღუდვებისგან გათავისუფლების ბოლო ეტაპი, სპორტული, გასართობი ღონისძიებები და აზარტული თამაშები იქნება დაშვებული

მთავრობის ეკონომიკური ანტიკრიზისული გეგმა, რომელიც ეკონომიკის გახსნასთან ერთად მოქალაქეებზე სოციალური დახმარების გაცემას მოიცავს, პრემიერმა 24 აპრილს წარადგინა. გეგმის მიხედვით პანდემიით გამოწვეული კრიზისის მართვა ბიუჯეტს ჯამში 3,5 მილიარდი ლარი დაუჯდება.

[რობი ზარიძე]