ღია ტიპის აგრარლული ბაზრები გაიხსნება – კიდევ რა შეზღუდვები მოიხსნება 27 აპრილიდან

პრემიერის განმარტებით 27 აპრილიდან დაშვებული იქნება:

• მსუბუქი მანქანებით, მათ შორის ტაქსით გადაადგილება
• როგორც საბითუმო, ისე საცალო ონლაინვაჭრობა
• მიტანის მომსახურება ნებისმიერ პროდუქტზე
• ღია ტიპის აგრარული ბაზრების საქმიანობა.

ექვსპუნქტიანი სამოქმედო გეგმით, უცნობია:

• როდის გაუქმდება კომენდანტის საათი,
• როდის აღდგება მუნიციპალური ტრანსპორტი,
• როდის აღდგება ავიამიმოსვლა
• როდის იქნება შესაძლებელი გეგმიური ოპერაციების აღდგენა

ასევე, უცნობია როდის მოიხსნება ის შეზღუდვები, რომლებიც დაწესებული იყო დიდი ქალაქებისთვის – თბილისი, ქუთაისი, ბათუმი. გარდა ამისა, ორი დღით გამონაკლისის სახით 27 და 28 აპრილს დაშვებული იქნება საქალაქთაშორისო მიმოსვლა.

პრემიერის განმარტებით ექვსპუნქტიანი გეგმის შემდეგი ეტაპები იმ შემთხვევაში განხორციელდება, თუკი არ გაუარესდა ეპიდემიოლოგიური მდგომარეობა.

საქართველოს მთავრობამ დღეს, 24 აპრილს ანტიკრიზისული გეგმა წარმოადგინა, რომლის მიხედვითაც ეკომონიკის მართვის 3,5 მილიარდის დახარჯვაა დაგეგმილი.



[რობი ზარიძე]