27 აპრილიდან ავტომობილებით გადაადგილებაზე შეზღუდვა იხსნება

პრემიერ–მინისტრის, გიორგი გახარიას განცხადებით, 27 და 28 აპრილს, გამონაკლისი დაუშვეს იმ მოქალაქეებისთვის, რომლებმაც აღდგომის დღესასწაულთან დაკავშირებით, დატოვეს რეგისტრაციის ადგილი და უკან დაბრუნებას ვერ ახერხებენ.

„ეს არ ნიშნავს იმ შეზღუდვების მოხსნას, რომელიც დაწესებული იყო დიდი ქალაქებისთვის - თბილისი, ქუთაისი, ბათუმი, რუსთავი. ეს შეზღუდვები შენარჩუნდება, მაგრამ იმის გათვალისწინებით, რომ ჩვენი შეზღუდვების დაწესება დაემთხვა სააღდგომო დღესასწაულებს და ბევრი ჩვენი მოქალაქე გასული იყო ან საცხოვრებელი ადგილიდან რაიონში, ან თავისი სამუშაო ადგილიდან, ჩვენ გავაკეთებთ გამონაკლისს ორი დღით", – განაცხადა გიორგი გახარიამ.

ჩაკეტილი ქალაქების გარდა, ქვეყნის მასშტაბით გადაადგილება თავისუფალი იქნება.

[მარიამ ბარძიმაძე]