ვინ მიიღებს 600 ლარიან დახმარებას

პრემიერ-მინისტრის განმარტებით, ექვსი თვით 600 ლარიან დახმარებას მიიღებენ:

- მკვეთრად გამოხატული შეზღუდული შესაძლებლობის მქონე პირები და შეზღუდული შესაძლებლობის მქონე ბავშვები.

„ დღეის მდგომარეობით, დღეს საქართველოში ასეთი 40 ათასი მოქალაქე გვყავს“,-განაცხადა პრემიერმა.


- ოჯახები, რომელთა სოციალური სარეიტინგო ქულა 65 000-დან 100 000-მდეა.

„ სახელმწიფო ოფიციალურად უკვე ეხმარება ამ მოქალაქეების ჯგუფს, რომელთა სარეიტინგო ქულა 65 000-მდეა, მაგრამ ყურადღების გარეშე არის დარჩენილი 65 000-დან 100 000-მდე ქულის მქონე ოჯახები, რომლებსაც მრავალშვილიანებისა და არასრულწლოვნების ყოლის პერიოდში ვეხმარებით, თუმცა ეკონომიკური სიდუხჭირის პირობებში, გადავწყვიტეთ, რომ ასეთ ოჯახებს 6 თვის განმავლობაში 600 ლარის ოდენობით დავეხმაროთ. ასეთი არის საქართველოში 70 ათასი ოჯახი, დაახლოებით 190 ათასი მოქალაქე“.


- ოჯახები, რომელთა სარეიტინგო ქულა არის 0-დან 100 ათასამდე და 3 და მეტი 16 წლამდე ასაკის შვილი ჰყავთ.

„ასეთი ოჯახების რაოდენობა დღეს საქართველოში არის 21 ათასი ოჯახი და ეს მოიცავს 130 ათას მოქალაქეს. მრავალშვილიანი ოჯახები ერთ-ერთი ყველაზე მოწყვლადი ფენაა, რომელსაც სახელმწიფოს მხრიდან ყველა შემთხვევას ფინანსური დახმარება სჭირდება“.

[თაკო ფეიქრიშვილი]