სამშვიდობო მისიებისას დაღუპული ჯარისკაცების ოჯახები კომპენსაციებს მიიღებენ

აღნიშნული ცვლილება "სახელმწიფო პენსიისა და სახელმწიფო აკადემიური სტიპენდიის შესახებ კანონში" შედის.

პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, ქვეყნის მთლიანობისთვის თავგანწირული ადამიანების მიმართ სახელმწიფო ვალდებულებას ვერასოდეს გაექცევა. როგორც სესიაშვილი ამბობს, ეს მინიმალურია რისი გაკეთებაც შეუძლია.

"წელს მიღებული იქნა ღირსეული გადაწყვეტილება იმ ადამიანების მიმართ, რომლებმაც საკუთარი სიცოცხლე შესწირეს ქვეყნის მთლიანობას. საქმე ეხება ყველა იმ გარდაცვლილ გმირ ჯარისკაცს, რომელმაც თავი შესწირა საქართველოს დამოუკიდებლობას. გარდა ამისა, იმ პირების ოჯახებს, რომლებიც სამშვიდობო მისიების დროს დაიღუპნენ, ერთჯერადად მიეცემათ კომპენსაცია 100 ათასი ლარის ოდენობით", - ამბობს სესიაშვილი.

2014 წელს შემწეობას 2 500-მდე ოჯახი მიიღებს, ხოლო ტერიტორიული მთლიანობისათვის დაღუპულთა ოჯახების დასახმარებლად ბიუჯეტში 24 მილიონი ლარი იქნება გათვალისწინებული.

[sknews.ge]