‘მთავრობის მთავრი პრიორიტეტი ეკონომიკა გახდა’ - პრემიერი

როგორც გიორგი გახარიამ მთავრობის სხდომაზე განაცხადა, ეკონომიკის სამინისტროს მიერ შემუშავდა ტურიზმის სექტორის აღდენის სტრატეგიული გეგმა, რომელსაც მთავრობა უახლოეს დღეებში განიხილავს და საზოგადოებას წარუდგენს.

“ეკონომიკური აღორძინება, ეკონომიკის გახსნა, პოსტკრიზისული მართვა ხდება დღეს ჩვენი მთავრობის პრიორიტეტი ნომერი ერთი, მაგრამ ეს შესაძლებლობა ჩვენ გვექნება მხოლოდ და მხოლოდ იმ შემთხვევაში, თუ ჯანდაცვის სამინისტრო ეფექტურად მართავს ეპიდემიის მენეჯმენტს, ეს კრიტიკულად მნიშვნელოვანია“.

პრემიერის განცხადებით, მოქალაქეებს უნდა ესმოდეთ, რომ პირბადე და სოციალური დისტანცია მათი ცხოვრების ნაწილი გახდება: „ეს არის ერთადერთი გზა და საშუალება იმისთვის, რომ ჩვენ ეკონომიკურ კონკურენციას გავუძლოთ და ვიყოთ ეფექტურები ეკონომიკური აღდგენის ნაწილში. სულ რამდენიმე დღის წინ ეკონომიკის სამინისტროს მიღებული აქვს ტურიზმის სექტორის აღდგენის, როგორც ყველაზე დაზარალებულის და ჩვენი ეკონომიკის ერთ-ერთი ყველაზე მნიშვნელოვანი მამოძრავებელი ძალის, სტრატეგიული გეგმის შემუშავება. როგორც ვიცი, ეს გეგმა დამუშავებულია და ჩვენ უახლოეს დღეებში განვიხილავთ ამას და ასევე, წარვუდგენთ ჩვენს საზოგადოებას”, - აღნიშნა პრემიერმა.

[თაკო ფეიქრიშვილი]