რას მოხმარდება ახალციხის სოფლებში მთავრობისგან მიღებული 2 მილიონი ლარი

საქართველოს მთავრობის გადაწყვეტილებით, ახალციხის მუნიციპალიტეტის სოფლებში 9 პროექტი განხორციელდება და ამისთვის 2 227 737 ლარი დაიხარჯება. ამ თანხაში ადგილობრივი თვითმმართველობის თანადაფინანსება ხუთი პროცენტი – 117 153 ლარია;
აღნიშნული თანხა წყლის სისტემებისა და გზების რეაბილიტაციას მოხმარდება;

მთავრობის გადაწყვეტილებით თანხა სოფლებში ასე გადანაწილდა:

სოფელ აწყურში სასმელი წყლის სისტემის რეაბილიტაციისთვის 286 700 ლარი; ახალციხე–წყრუთი–ანის საავტომობილო გზის რეაბილიტაციის მეორე ეტაპისათვის 348 749 ლარი; წირა–ანი–სვირი–ბოგის საავტომობილი გზის მონაკვეთის მეორე ეტაპის რეაბილიტაციისთვის 317 834 ლარი; წყრუთი–ჭვინთა–ელიაწმინდის საავტომობილო გზის რეაბილიტაციისთვის 333 671 ლარი; სოფელ მუსხის საავტომობილი გზის რეაბილიტაციისათვის 267 557 ლარი; საძელის ცენტრალური გზის მონაკვეთის რეაბილიტაციისათვის 285 000 ლარი; წყალთბილა–ნაოხრების საავტომობილო გზის რეაბილტიაციისთვის 126 350 ლარი; სოფელ ანდრიაწმინდის საავტომობილო გზის რეაბილიტაციისთვის 129 253 ლარი; სხვილისის საავტომობილო გზის მონაკვეთის რეაბილიტაციისთვის 132 643 ლარი.

ახალციხის მუნიციპალიტეტის საკრებულომ აღნიშნული თანხით ბიუჯეტში ცვლილების შეტანას დღეს, 9 თებერვალს უყარა კენჭი;

[თამუნა უჩიძე, ახალციხე]