რაში დაიხარჯება 10 მილიონი ლარი ბორჯომში

ბორჯომის მუნიციპალიტეტის მერიისგან გამოთხოვილი წერილის თანახმად, ინფრასტრუქტურული პროექტებისთვის ადგილობრივი ბიუჯეტიდან 8 032 522 ლარი დაიხარჯება, ხოლო საქართველოს რეგიონებში განსახორცილებელი პროექტების ფონდიდან 2 327 089 ლარი.

53–დან 44 პროექტი უკვე დასრულებულია, წლის ბოლომდე, დარჩენილი ცხრა პროექტი განხორციელებაც იგეგმება.

ბორჯომის მუნიციპალიტეტში ყველაზე მეტი, 15 პროექტი საავტომობილო გზების რეაბილიტაციისთვისაა განსაზღვრული, ექვსი პროექტი მრავალბინიანი კორპუსების სახურავების რეაბილიტაციისთვის, ხუთი საკანალიზაციო ქსელის რეაბილიტაციისთვის, ხოლო 27 პროექტი სხვა ინფრასტრუქტურული სამუშაოებისთვის.

[თორნიკე ზაზაძე, ბორჯომი]