COVID 19 - თვითდასაქმებულებს ერთჯერადად 300 ლარით დაეხმარებიან

მთვარობის მეთაურის განცხადებით იმ პირების იდენტიფიცირებას, ვინც თავს თვითდასაქმებულად თვლიდა, ან ოფიციალური საბუთის გარეშე მუშაობდა, მთავრობა სოციალური სამსახურების მეშვეობით მოახდენს.

"არის სერიოზული ჯგუფი და ფენა საზოგადოებაში, რომლებიც არაფორმალურ სექტორში იყვნენ დასაქმებულები, ან თვლიდნენ თავს თვითდასაქმებულად. რა თქმა უნდა, უკიდურესად რთულია მათი იდენტიფიცირება, რადგან ისინი ოფიციალურ ბაზებში არ აღირიცხებიან. მაგრამ სახელმწიფო იღებს ვალდებულებას სოციალური სამსახურების დახმარების მეშვეობით და მათი იდენტიფიცირების მაქსიმალურად გამარტივების გზით, მაშინ როდესაც მოხდება ამ ადამიანების იდენტიფიცირება გაუწიოს ამ ადამიანებს ერთჯერადი დახმარება 300 ლარის ოდენობით", - განაცხადა გიორგი გახარიამ.

გახარიას განცხადებით, ამისთვის ბიუჯეტიდან 75 მილიონი დაიხარჯება. გარდა ამისა ყველა შენარჩუნებულ სამუშაო ადგილზე, დამსაქმებელი მიიღებს სუბსიდიას კერძოდ :

• 6 თვის განმავლობაში 750 ლარის ოდენობის ხელფასი სრულიად გათავისუფლდება საშემოსავლო (20%) გადასახადისგან
• 1500 ლარამდე ხელფასი კი 750 ლარის ოდენობით განთავისუფლდეს საშემოსავლო გადასახადიდან

დამსაქმებლებისთვის გადასახადების გაუქმებით ბიუჯეტი 250 მილიონ ლარს დაკარგავს.


[sknews.ge]