24 საათში მსოფლიოში კორონავირუსის 86 496 ახალი შემთხვევა დადასტურდა

32 165 ახალი შემთხვევა დაფიქსირდა გასულ 24 საათში აშშ–ში, ინფიცირებული ქვეყანაში 700 ათას ადამიანზე მეტია, საიდანაც 37 154 გარდაიცვალა, 60 510 – კი გამოჯანმრთელდა.

20 ათასს გადააჭარბა სიკვდილიანობის რიცხვმა ესპანეთში, სადაც ინფიცირებული 190 ათასზე მეტი ადამიანია, მათ შორის 74 797 უკვე გამოჯანმრთელებულად ითვლება.

იტალიაში COVID-19–ით 172 434 ინფიცირებულიდან 42 727 უკვე გამოჯანმრთელდა.

150 ათასს აღწევს ვირუსის დადასტურებული შემთხვევები საფრანგეთში, სადაც გასულ დღე ღამეში 761, ჯამში კი 18 681 ადამიანია გარდაცვლილი. ვირუსის დამარცხება აქ 34 420 ადამიანმა შეძლო.

ყველაზე მეტი ადამიანია გამოჯანმრთელებული გერმანიაში. ინფიცირებული 141 397 ადამიანიდან 83 114 –მა ვირუსი დაამარცხა.

100 ათასს გადააჭარბა შემთხვევების რიცხვმა დიდ ბრიტანეთში, სადაც გასულ დღე–ღამეში 5 599 ახალი შემთხვევა დაფიქსირდა.

ჯანდაცვის მსოფლიო ორგანისაზიამ კორონავირსი პანდემიად 11 მარტს გამოაცხადა. საქართველოში ამ დროისთვის, კორონავირუსის 385 დადასტურებული, 84 გამოჯანმრთელების და 3 გარდაცვალების შემთხვევაა.

ქვეყანაში 21 მარტიდან მოქმედებს საგანგებო მდგომარეობა, 31 მარტიდან კი კარანტინის რეჟიმი კარანტინის რეჟიმი და ე.წ კომენდანტის საათი. 17–დან 21 აპრილამდე, მთავრობის გადაწყვეტილებით სრულად იკრძალება მსუბუქი ავტომობილებით გადაადგილება. ასევე სავალდებულო გახდა დახურულ სივრცეში პირბადეების ტარებაც.

მოქალაქეს, რომელიც დაარღვევს საგანგებო მდგომარეობის რეჟიმს დაარღვევს 3 000 ლარიანი ჯარიმა დაეკისრება, ხოლო იურიდიულ პირს 15 000 ლარი.

მოქმედებს ცხელი ხაზი – 144, სადაც მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ.


[რობი ზარიძე]