‘განცხადება, რომ თავდასხმა პეტროსიანის მხრიდან განხორციელდა აბსურდია’- ადვოკატი

„განცხადება, რომ თავდასხმა პეტროსიანის მხრიდან განხორცილედა ეს აბსურდია. თავდასხმა მოხდა პეტროსიანებზე, სამველსა და მის ვაჟზე. მოგეხსენებათ,სამველი ყოფილი პოლიციის თანამშრომელია, მას ჩველებრივი ინსტიქტი აქვს გამომუშავებული თავდაცვასთან დაკავშირებით და მაშინ, როდესაც თავს დაესხნენ, იყო ფიზიკური ძალადობა და გასროლის ხმაც, მაშინ გაისროლა პეტროსიანმაც ჰაერში, ეს იყო გამაფრთხილებელი გასროლა“,-ამბობს ძნელაძე.

მისი თქმით, საქმის მასალების გაცნობის შემდეგ, კიდევ ერთხელ დარწმუნდა, სამველ პეტროსიანის ქმედება იყო თავდაცვა და არა თავდასხმა.

„ბუნებრივია ჩვენ გამოძიებისგან გადმოგვეცა მასალები, მათ შორის ვიდეო ჩანაწერები. ჩემს ხელთ არსებული ინფორმაცია, მიჩენს ღრმა რწმენას, რომ სამველი არის ჩემს წინაშე გულწრფელი და დარწმუნებული ვარ გამოძიების წინაშეც. ის იმყოფებოდა თავდაცვის რეჟიმში“,-ამბობს ძნელაძე.

სამველ პეტროსიანი და ამ საქმეზე დაკავებული კიდევ ერთი პირი, ენზელ მკოიანის 19 წლის ძმისშვილი თბილისში, გლდანის მერვე საპყრობილეში იმყოფებიან.

საქმეზე წინასასამართლო სხდომა 13 მაისსაა ჩანიშნული.

ახალქალაქის სოფლებში ამბობენ, რომ ეზელ მკოიანის ცხიდან გამოყვანის მიზნით, მუნიციპალიტეტში ხელმოწერები გროვდება და ამაში აქტიურად მონაწილეობენ ადგილობრივი თვითმმართველობის წარმომადგენლებიც.

ინციდენტი ახალქალაქის ცენტრში 26 მარტს, დაახლოებით 15:00 საათზე, "ქართული ოცნების" დეპუტატის ენზელ მკოიანის საცხოვრებელ სახლთან მოხდა. შემთხვევიდან რამდენიმე საათში ენზელ მკოიანი და პარლამენტის ყოფილი წევრი „ნაციონალური მოძრაობიდან“ და ახლა „პარტიოტთა ალიანის“ წარმომადგენელი, სამველ პეტროსიანი სამცხე-ჯავახეთის პოლიციის დეპარტამენტში, გადაიყვანეს, სადაც მთელი ღამის განმავლობაში კითხავდნენ.

საქმეზე შსს–მ ძიება ჯგუფურად ჩადენილი დანაშაულისა და იარაღის მართლსაწინააღმდეგო შეძენა-შენახვა-ტარების მუხლებით მიმდინარეობს. სამველ პეტროსიანი და ენზელ მკოიანის ძმის შვილი 29 მარტს დააკავეს.





[მარიამ ბარძიმაძე, ახალციხე]