ახალქალაქში დეპუტატ ენზელ მკოიანის სახლთან სროლა იყო [ვიდეო]

ფაქტის შესახებ პირველმა ახალქალაქის საინფორმაციო სააგენტომ JNEWS.GE-მ დაწერა.

რა გახდა სროლის მიზეზი, უცნობია. ადგილობრივების ვარაუდით, შესაძლოა სროლა დეპუტატ ენზელ მკოიანსა და ყოფილ დეპუტატ, სამველ პეტროსიანს შორის არსებულ დაპირისპირებას უკავშირდება.

„არ უნდა გაგიკვირდეთ ასეთი სროლა ახალქალაქში. სავარაუდოდ, ეს უკავშირდება ენზელს მკოიანის ძმისა და სამველ პეტროსიანის შვილს შორის არსებულ პირად უთანხმოებას. რა არის ამ უთანხმოების მიზეზი არ ვიცით. დაახლოებით ერთი თვის წინ ჰქონდათ მათ ქუჩაში დაპირისპირება“, - ამბობს ერთ-ერთი ადგილობრივი „სამრეთის კარიბჭესთან“.

დაპირისპირების მიზეზები უცნობია შსს-ში. „სამხრეთის კარიბჭე“ უწყებისგან კომენტარს ელოდება.

ენზელ მკოიანი ახალქალაქი-ნინოწმინდის მაჟრიტარი დეპუტატია „ქართული ოცნებიდან“, სამველ პეტროსიოანი კი „ნაციონალური მოძრაობის“ ყოფილი დეპუტატი.



[თაკო ფეიქრიშვილი, ახალქალაქი]