ბორჯომში ბაზარი და ხილ–ბოსტნეულის მაღაზიები მეორე დღეა დაკეტილია

ფოტო:არქივი

ბორჯომის აგრარული ბაზარი და ხილ–ბოსტნეულის მაღაზიები გუშინ, 8 აპრილს ბორჯომის მერიის გადაწყვეტილებით დაიკეტა, მერის მოვალეობის შემსრულებელმა დავით ზაალიშვილმა განაცხადა, რომ მოვაჭრეები რეკომენდაციებს არ იცავდნენ.

დღეს სამცხე-ჯავახეთის სახელმწიფო რწმუნებულის აპარატის ხელმძღვანელმა, გიორგი მიქელაძემ „სამხრეთის კარიბჭესთან“ განაცხადა, რომ აგრალური ბაზარი სავარაუდოდ ხვალ, 10 აპრილს გაიხსნება.

„ჯერჯერობით ბაზარი არ გახსნილა. ახლა მიმდინარეობს სადეზინფექციო სამუშაოები, ეწყობა დეზობარიერები, იხაზება ტერიტორია, რათა მომხმარებლის ნაკადის გაკონტროლება მარტივად შევძლოთ. სამუშაოებს მუნიცპალიტეტი და ბაზრის ადმინისტრაცია ერთობლივად ასრულებს“, –ამბობს გიორგი მიქელაძე.

როგორც, სამხარეო ადმინისტრაციაში აცხადებენ, მოლაპარაკებები მიმდინარეობს გარემოვაჭრეებთან, რათა მათი გადაყვანაც ბაზრის ტერიტორიაზე მოხდეს.

[ნუკა სტეფნაძე, ბორჯომი]