სეს–მა ახალციხის ბაზარი კიდევ ერთხელ შეამოწმა

დღეს, 14 აპრილს გახდება ცნობილი გაიხსნება თუ არა ბაზარი.

„გუშინ მოვიდნენ და შეამოწმეს, ველოდებით დღის ბოლომდე პასუხს, დადებითად შეგვაფასეს და დასკვნა თბილისში გაადაგზავნეს“,- ამბობს ვახტანგ ქართველიშვილი.

ახალციხის ბაზარი 30 მარტის შემდეგ ფაქტობრივად დაკეტილია, აკრძალულია გარევაჭრობა, შიდა სექციები კი დახურულია, სავაჭრო ცენტრში მხოლოდ რამდენიმე მაღაზია მუშაობს.

საგანგებო მდგომარეობის დარღვევის გამო, ახალციხის ბაზარი 15 000 ლარით დააჯარიმეს. მას შემდეგ დაიხურა ობიექტი, შენობაში ჩატარდა სადეზინფექციო სამუშაოები, თანამშრომლებს პირბადეეები და სადეზინფექციო ხსნარები დაურიგდათ, შესასვლელებსა და გასასვლელებში დეზობარიერები გაკეთდა.

ახლა ბაზრის გახსნის ნებართვას, ადმინისტრაცია სურსათის უვნებლობის სამსახურისგან ელოდება. გუშინ, 13 აპრილს ბაზრის დაკეტვა გააპროტესტეს მოვაჭრეებმაც, მათი თქმით, გასაყიდად შეძენლი პროდუქტი უფუჭდებათ, ზარალი კი ასეულობით ლარია.

[მარიამ ბარძიმაძე,ახალციხე]