კორონავირუსის შემთხვევებმა მსოფლიოში 15 მილიონს გადააჭარბა

მსოფლიოში კორონავირუსის ყველაზე მეტი ახალი შემთხვევა აშშ–ში, ბრაზილიასა და ინდოეთში ფიქსირდება. სწორედ ამ ქვეყნებშია ყველაზე მეტი ინფიცირებულიც.

აშშ–ში გასულ 24 საათში 67 140 შემთხვევა გამოვლინდა, შემთხვევების საერთო რაოდენობამ კი 4 მილიონს გადააჭარბა. გამოჯანმრთელებულია 1 886 583 ხოლო გარდაცვლილია 145 ათასამდე.

ორ მილიონს აჭარბებს ინფიცირებულთა საერთო რაოდენობა ბრაზილიაში, სადაც გასულ დღე–ღამეში კიდევ 44 000–ზე მეტი შემთხვევა დადასტურდა, გამოჯანმრთელებულად ითვლება 1 465 000 ადამიანი ხოლო 80 ათასზე მეტი ემსხვერპლა covid-19-ს.

39 ათასზე მეტი ახალი შემთხვევა დადასტურდა ინდოეთში. აქ ინფიცირებულთა საერთო რაოდენობა 1,2 მილიონამდეა, საიდანაც 752 ათასი გამოჯანმრთელებულად, 671 კი გარდაცვლილად ითვლება.

სხვა ქვეყნების სტატისტიკა, სადაც ვირუსის ფართო გავრცელებაა, ასეთია:

რუსეთი: დადასტურებული 789 190, მათ შორის 600 ახალი; 12 580 გარდაცვლილი და 562 384 გამოჯანმრთელებული;

სამხრ. აფრიკის რესპუბლიკა: დადასტურებული 381 798, მათ შორის 8 170 ახალი; 5 368 გარდაცვლილი და 208 144 გამოჯანმრთელებული;

პერუ: დადასტურებული 362 087, მათ შორის 4 406 ახალი; 13 579 გარდაცვლილი და 248 746 გამოჯანმრთელებული;

მექსიკა: დადასტურებული 349 396, მათ შორის 5 172 ახალი; 39 485 გარდაცვლილი და 222 068 გამოჯანმრთელებული;

ჯანდაცვის მსოფლიო ორგანიზაციამ კორონავირსი პანდემიად 11 მარტს გამოაცხადა. საქართველოში ვირუსის პირველი შემთხვევა 26 თებერვალს დაფიქსირდა. ამ დრისთვის ქვეყანაში ვირუსის 1 049 დადასტურებული, 903 გამოჯანმრთელების და 16 გარდაცვალების შემთხვევაა.

[რობი ზარიძე]