საპატრიარქო: 'COVID-19-ით ინფიცირებულმა მღვდელმა მსახურება რამდენიმე დღის წინ აღავლინა'

კონკრეტულად, რომელ დღეს აღავლინა ბოლოს მსახურება, ამის შესახებ საპატრიარქო „პუბლიკასთან“ დეტალებს, ჯერჯერობით, არ აზუსტებს.

სასულიერო პირი, რომელსაც კორონავირუსი დაუდასტურდა, ბოჭორიშვილის სახელობის კლინიკაში გუშინ შეიყვანეს. კლინიკის სამეთვალყურეო საბჭოს თავმჯდომარის ინფორმაციით, ვირუსი მისი ოჯახის სამ წევრსაც დაუდასტურდა. მაკა სოლოღაშვილი ამბობს, რომ ინფიცირების წყარო, ჯერჯერობით, უცნობია.

„დადასტურებულია COVID-19-ის დიაგნოზი, გამოვლენილია მშრალი ხველა და ტემპერატურის მაღალი მაჩვენებლები. ოჯახის სულ სამი წევრია მოთავსებული, მაგრამ რომელს რომლიდან გადაეცა, არ ვიცით. მისი ოჯახის წევრების ჯანმრთელობის მდგომარეობა დამაკმაყოფილებელია, ისინიც გუშინ შემოიყვანეს “, – განაცხადა ჟურნალისტებთან მაკა სოლოღაშვილმა.

[sknews.ge]