‘COVID 19 ათჯერ უფრო მომაკვდინებელია, ვიდრე ღორის გრიპის’ - ჯანმო

ჯანმო-ს გენერალური დირექტორის, ტედროს ადჰანომ გებრეიესუსის თქმით, ორგანიზაცია მუდმივად სწავლობს ამ ახალ ვირუსს, რომლითაც, მსოფლიოში თითქმის 115 000 ადამიანი გარდაიცვალა და 1,8 მილიონზე მეტი დაინფიცირდა.

”ჩვენ ვიცით, რომ COVID-19 სწრაფად ვრცელდება და ვიცით, რომ ის 10-ჯერ უფრო მომაკვდინებელია, ვიდრე 2009 წლის გრიპის პანდემია”, - თქვა მან.

ჯანმოს ინფორმაციით, "ღორის გრიპისგან" ანუ H1N1- ით მსოფლიოში 18 500 ადამიანი გარდაიცვალა. იგი 2009 წელს, პირველად მექსიკასა და შეერთებულ შტატებში გაჩნდა.

გებრიეისის თქმით, COVID-19 სწრაფად ვრცელდება და "უფრო ნელა იკლებს". შესაბამისად, ქვეყნებმა, შეზღუდვები სიფრთხილით და ეტაპობრივად უნდა მოხსნან: „ეს არ შეიძლება ერთდროულად მოხდეს“.

[თაკო ფეიქრიშვილი]