COVID-19: მსოფლიოში ინფიცირების შემთხვევებმა 2,5 მილიონს გადააჭარბა

ფოტო:spacenews.com

200 ათასს გადააჭარბა შემთხვევების რიცხვმა ესპანეთში, სადაც გასულ დღე–ღამეში 3 968 ახალი შემთხვევა დაფიქსირდა, 430 ადამიანი კი გარდაიცვალა. სულ დაფიქსირებული 204 178 შემთხვევიდან ქვეყანაში ვირუსი 82 514 ადამიანმა დაამარცხა, რაც გერმანიის შემდეგ ყველაზე მაღალი მაჩვენებელია გამოჯანმრთელების. ესპანეთშიც და გერმანიაშიც ახალი კორონავირუსის გავრცელების ტემპი იკლებს.

95 200 ადამიანი გამოჯანმრთელდა გერმანიაში, სადაც დღეს, 11 მარტის შემდეგ ყველაზე ცოტა 893 ახალი შემთხვევა დაფიქსირდა.(სულ 147 958) ვირუსით გარდაცვლილი კი ჯამში 4 934 ადამიანია.

უფრო და უფრო ნაკლები ახალი შემთხვევა ფიქსირდება იტალიაშიც, სადაც გუშინ და დღეს დაფიქსირებული შემთხვევები, ყველაზე ცოტაა 10 მარტის შემდეგ.

სულ იტალიაში ვირუსი 183 957 ადამიანს შეხვდა, საიდანაც 51 600 გამოჯანმრთელდა, ხოლო 24 648 ემსხვერპლა Covid-19–ს.

სხვა ქვეყნების სტატიკა, სადაც ვირუსი ყველაზე ფართოდაა გავრცელებული, ასეთია:

საფრანგეთი – 155 383 შემთხვევა; მათ შორის გამოჯანმრთელებული – 37 409; გარდაცვლილი – 20 265;

დიდი ბრიტანეთი – 129 044 შემთხვევა; მათ შორის გამოჯანმრთელებული – [არ არის მონაცემები]; გარდაცვლილი – 17 337;

თურქეთი – 95 591 შემთხვევა; მათ შორის გამოჯანმრთელებული – 14 918; გარდაცვლილი – 2 259;

ირანი – 84 802 შემთხვევა; მათ შორის გამოჯანმრთელებული – 60 965; გარდაცვლილი – 5 297;

ჩინეთი – 82 758 შემთხვევა; მათ შორის გამოჯანმრთელებული – 77 123; გარდაცვლილი – 4,632;

[რობი ზარიძე]