ბორჯომში ბაზარი და ხილ–ბოსტნეულის მაღაზიები დაიკეტა

ფოტო: ტელეკომპანია "ბორჯომი"

„მოვაჭრეები არ ითვალისწინებდნენ არანაირ რეკომენდაციებს, არ აკონტროლებდნენ რიგებს, არ ხდებოდა ტერიტორიის სადეზინფექციო ხსნარებით დამუშავება, რაც შესაბამისად ქმნიდა კორონავირუსის გავრცელების საფრთხეს. ბევრჯერ მერიის წარმომადგენლებმა და პირადად მე გავაფრთხილეთ ამ ობიექტების წარმომადგენლები, რომ დაეცვათ შესაბამისი წესები, მაგრამ უშედეგოდ“ - განაცხადა ტელეკომპანია "ბორჯომთან" მერის მოვალეობის შემსრულებელმა, დავით ზაალიშვილმა.

დავით ზაალიშვილის განმარტებით, ბორჯომის ბაზარი სავარაუდოდ ხვალ, ცხრა აპრილს გაიხსნება, თუმცა მანამდე ობიექტზე სადეზინფექციო სამუშაოები ჩატარდება.

„მიმდინარეობს მუშაობა და ჩვენც, მერიაც ვეხმარებით ბაზრის ადმინისტრაციას, რათა მოაწესრიგონ ტერიტორია ისე, რომ დაიცვან ყველა არსებული რეკომენდაცია და სავარაუდოდ ბაზარს ხვალისთვის გავხსნით. იქ იმორიგევებენ ჩვენი წარმომადგენლები და იმუშავებს ჯერ-ჯერობით ეს ობიექტი.“

[sknews.ge]