ბორჯომის აგრარული ბაზარი გაიხსნა

როგორც ბორჯომის მერის მოვალეობის შემსრულებელი, დავით ზაალიშვილი „სამხრეთის კარიბჭესთან“ აცხადებს, დილიდან ბაზარში მუშაობა რეკომენდაციების დაცვით განახლდა: „ყველანაირი რეკომენდაციების დაცვითა და მონიტორინგით მიმდინარეობს მუშაობა. ამ ხნის განმავლობაში, შესაბამისი სამსახურები ჩართული იყვნენ, სანამ არ დაკმაყოფილდა ბაზარში მოთხოვნები, მანამდე არ გაიხსნა“.

მისივე თქმით, დილიდან ბაზარში იმყოფებიან სურსათის ეროვნული სააგენტოს წარმომადგელებიც.

ბორჯომში აგრარული ბაზარი 8 აპრილს, ბორჯომის მერიის გადაწყვეტილებით დაიკეტა. მაშინ თვითმმართველობაში აცხადებდნენ, რომ მოვაჭრეები რეკომენდაციებს არ იცავდნენ.

[თაკო ფეიქრიშვილი, ბორჯომი]