სამცხე–ჯავახეთის ცხელების ცენტრში ოთხ პირს აკვირდებიან

როგორც სამცხე-ჯავახეთის სახელმწიფო რწმუნებულის აპარტის ხელმძღვანელი, გიორგი მიქელაძე ამბობს, ახალციხის ცხელების ცენტრს რვა დღის განმავლობაში სულ 14 –მა პირმა მიმართა, 8 აპრილს კი ცენტრში, მხოლოდ ორი ადამიანი წევს.

„დღემდე ახალციხის ცხელების ცენტრს 14-მა ადამიანმა მიმართა. აქედან ორი პაციენტი, მათი სიმძიმის გამო, გადავიდა თბილისში, მაგრამ ეს არ უკავშირდება კორონავირუსთან საეჭვო სიმპტომებს. ამ დრომდე, რჩება ორი პაციენტი, რომელთაც პნევმონია აღენიშნებათ, მაგრამ ესენიც არ მიიჩნევა საეჭვო შემთხვევებად. დანარჩენმა კლინკა უკვე დატოვა“,– ამბობს გიორგი მიქელაძე.

კიდევ ერთ ცხელების ცენტრს, რომელიც ახალქალაქშია გახსნილი, ოთხმა პირმა მიმართა: „ახალქალაქის ცხელების ცენტრს მიმართა ოთხმა პაციენტმა, აქედან ორი პაციენტი გაადავიდა თბილისში სამკურნალოდ, მათი დაავადების სიმძიმიდან გამომდინარე, ხოლო ორი კვლავ რჩება ახალქალაქის ცენტრში. ასევე ეს პაციენტებიც არ ითველებიან საეჭვოდ კორონავირუსულ ინფექციაზე და მათ ტესტირება არ ჩატარებიათ“,– გვითხრა მიქელაძემ.

მისივე თქმით, ბორჯომის ცხელების ცენტრს დღეს პირველად მიმართა ერთმა პაციენტმა, რომელსაც ვირუსის მიმართ სიმპტომები არ არენიშნებოდა, მან კლინიკა დღესვე დატოვა.

ადიგენის ცხელების ცენტრში კი ამ დრომდე პაციენტთა მიმართვიანობა არ დაფიქსირებულა.

რეგიონებში ცხელების კლინიკები გასულ კვირას მოეწყო. მათ შორის სამცხე–ჯავახეთის ოთხ მუნიციპალიტეტში.

საქართველოში 8 აპრილის 22:00 საათის მონაცემებით, კორონავირუსის 211 შემთხვევაა დადასტურებული; 50 პაციენტი უკვე გამოჯანმრთელებულად მიიჩნევა. კარანტინის რეჟიმში 4 682 პაციენტი იმყოფება, ხოლო სტაციონალური მეთვქლყურეობის ქვეშ 375. გარდაცვლილია სამი პაცინეტი.

[ნუკა სტეფნაძე, ახალციხე]