დაიხურება თუ არა ახალციხის ბაზარი

მას შემდეგ, რაც ბაზარში არსებული ხალხმრავლობის გამო, ადმინისტრაცია 15 000 ლარით დაჯარიმდა, ვითარებას შსს–ს, ადგილობრივი თვითმმართველობის და სამცხე–ჯავახეთის სამხარეო ადმინისტრაციის წარმომადგენლები აკონტროლებენ.

„ჩვენი თანამშრომლები ადგილზე იმყოფებიან, ვაკვირდებით სიტუაციას. თუ შევამჩნიეთ დარღვევები ბაზრის დაკეტვის გადაწყვეტილებას ერთობლივად მივიღებთ. ამ დროისთვის დარღვევები არ არის,“– ამბობს ახალციხის მუნიციპალიტეტის მერი, ზაზა მელიქიძე.

როგორც, ქალაქის მერი ამბობს, პრევენზიის მიზნით, ბაზრის გარე პერიმეტრზე ვაჭრობა აიკრძალა, ხოლო დახურულ სივრცეში რამდენიმე სექცია მუშაობს.

„ფაქტობრივად დაკეტილია ბაზარი, მხოლოდ საცალო ვაჭრობაა, აიკრძალა გარე ვაჭრობა მთელს პერიმეტრზე. ბაზრის ტერიტორიაზე მუშაობს სასურსათო და აგრო მაღაზიები, ასევე ხილ–ბოსტნეულის განყოფილება“, – განაცხადა „სამხრეთის კარიბჭესთან ახალციხის მერმა.

მისი განმარტებით, დახურულ სივრცეში დარჩენილია მხოლოდ ერთი შესასველი და ორი გამოსავლელი, სადაც დეზობარირებია.

„თანაშშრომლები დაგანან შესასვლელში და ყველას ხელებს სპეციალური სითხით უმუშავებენ, რაც შეეხება გამყიდველებს, აღჭურვილები არიან სპეციალური ხელთათმანებით და პირბადეებით. დღეს ასეთი მოცემულობა გვაქვს და თუ საჭიროება მოთხოვს შეიძლება მთლიანად დაიკეტოს ეს დახურული სივრცეც,“–გვითხრა ზაზა მელიქიძემ.

ხალხმრავლობის პრევენციის მიზნით, დაიკეტება თუ არა ბაზრი მომდევნო შაბათ–კვირას ამ ეტაპზე უცნობია.

„ვანახოთ დაკვირვების პროცესში ვართ, ძალიან გვინდა, რომ მოსახელობამ ისარგებლოს, როგორც მყიდველმა, ასევე გამყიდველმა. ადამინებს კვება უნდათ, შესაბმისად ეს პროდუქტები უნდა მიიღონ, თუ საჭიროება დადგება დაკეტვის შეთანხმებულები ვართ ბაზრის ადმინისტრაციასთან. შაბათ–კვირამდე რამდენიმე დღე გვაქვს და დავაკვირდებით დინამიკაში მიმდინარეობას. იქ ყოველთვის არის წარმომდაგენელი, რომელიც დაკვირვებას აწარმოებს და შესაბამის გადაწყვეტილებას მივიღებთ, როგორც იქნება საჭირო,“– აღნიშნა მელიქიძემ.

30 მარტს ახალციხს ბაზრი 15 000 ლარით დაჯარიმდა, რადგან საგანგებო მდგომარეობის მიუხედავად ბაზრის ტერიტორიაზე ხალხმრავლობა იყო. 4 და 5 აპრილს ბაზრი სადეზინფექიო სამუშაობის ჩასატარებლად დაიკეტა, სავაჭრო ობიექტმა ფუნქციონირება 6 აპრილს განაახლა.

დღეს,7 აპრილს გამართულ ბრიფინგზე გარემოს დაცვის და სოფლის მეურნეობის მინისტრმა, ლევან დავითაშვილმა განაცხადა, რომ აგრარული ბაზრების ფუნქციონირება დაკავშირებული იქნება მხოლოდ იმ რეკომენდაციების გათვალისწინებით, რომელიც სურსათის ეროვნულმა საგენტომ და ჯანდაცვის სამინისტრომ ერთობლივად შეიმუშავა.

[ნუკა სტეფნაძე, ახალციხე]