'არ იქნება დღეში 100 შემთხვევაზე მეტი, თვენახევრის შემდეგ, ჩემი პროგნოზით ეპიდემია წავა ქვემოთ' - ცერცვაძე

"ჩემი პროგნოზია, რომ ვერ შევინარჩუნებთ ამ სიტუაციას ბოლომდე, დღეს თუ 20 შემთხვევაა, ხვალ იქნება 30 ან 40. მაგრამ ჩემი მტკიცე პროგნოზია, რომ საქართველოში არ იქნება დღეში 100 შემთხვევაზე მეტი. ინფექციის გავრცელების დინამიკა მაჩვენებს ამას".

„ჩემი პროგნოზით, პიკი ორი-სამი კვირის შემდეგ იქნება. ეს პიკი არ იქნება აფეთქება, ეს იქნება მდორე პიკი და ეს პიკი შენარჩუნდება კიდევ ორი-სამი კვირის მანძილზე და დაახლოებით, თვენახევრის შემდეგ, ჩემი პროგნოზით ეპიდემია წავა ქვემოთ. ისე, რომ საქართველო ამ უმძიმესი გამოწვევიდან მინიმალური დანაკარგით გამოვა“, - განაცხადა თენგიზ ცერცვაძემ.

საქართველში დღეს, შვიდ აპრილს, კორონავირუსით გარდაცვალების მესამე შემთხვევა დაფიქსირდა. ჯამში ქვეყანაში Covid 19-ით 195 ადამიანია ინფიცირებული, საიდანაც 45 გამოჯანმრთელდა.

[sknews.ge]