საქართველოში კორონავირუსისგან 31 პაციენტი განიკურნა

stopcov.ge-ზე გამოქვეყნებული ინფორმაციის თანახმად, კარანტინის რეჟიმშია 5 526, ხოლო სტაციონალური მეთვალყურეობის ქვეშ - 344.

დღეს, ოთხ აპრილს COVID 19-ით გარდაცვალების პირველი შემთხვევა დაფიქსირდა, ვირუსს 79 წლის ქალი ემსხვერპლა.

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ქვეყანაში ინფიცირებული პაციენტებიდან, 4 მართვით სუნთქვაზე იმყოფება, 23–ს კი პნევმონია აქვს.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა. პირველმა პაციენტმა COVID 19-ი, დაინფიცირებიდან 20 დღეში დაამარცხა.

31 მარტიდან საქართველოში საყოველთაო კარანტინი და „კომენდანტის საათია“ გამოცხადებული. მოქალაქეს, რომელიც დაარღვევს საგანგებო მდგომარეობის რეჟიმს 3 000 ლარიანი ჯარიმა დაეკისრება, ხოლო იურიდიულ პირს 15 000 ლარი.

ამოქმედდა ცხელი ხაზი - 144, სადაც მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ. ცხრა ქალაქის, მათ შორის ახალციხის შესასვლელში საკონტროლო პუნქტები მოეწყო – მოქალაქეებს პირველადი თერმოსკრინინგი უტარდებათ.



[sknews.ge]