რა სანქცია დაეკისრებათ 'კომენდანტის საათის' დამრღვევ პირებს

საქართველოში საგანგებო მდგომარეობის ფარგლებში, 31 მარტიდან ე.წ კომენდანტის საათი მოქმედებს. ეს ნიშნავს, რომ 21:00–დან 6:00 საათამდე მთელი ქვეყნის მასშტაბით აიკრძალა, როგორც ქვეითად, ისე სატრანსპორტო საშუალებით გადაადგილება.

საპატრულო პოლიციის თანამშრომლები სიტუაციას მთელი ღამის განმავლობაში აკონტროლებენ და პირს, რომელიც დაარღვევს საგანგებო მდგომარეობის რეჟიმს 3 000 ლარიან ჯარიმა დაეკისრება, ხოლო იურიდიულ პირს 15 000 ლარი.

განმეორებით დარღვევა კი სისხლის სამართლის დანაშაულად ითვლება და სამ წლამდე პატიმრობას ითვალისწინებს.

შეზღუდვა არ შეეხო სატვირთო მანქანებსა და იმ სუბიექტებს, რომელთა სამუშაოს შესრულება კრიტიკულად მნიშვნელოვანია დროის აღნიშნულ მონაკვეთში.

შინაგან საქმეთა სამინისტრო მოქალაქეებს მოუწოდებს, რომ საგანგებო მდგომარეობით დაწესებული შეზღუდვები დაიცვან.

[მარიამ ბარძიმაძე, ახალციხე]