საქართველოში კორონავირუსით ინფიცირების შემთხვევათა რაოდენობა 103-მდე გაიზარდა

30 მარტის 22:00 საათის მონაცემებით საქართველოში კორონავირუსით ინფიცირების 103 დადასტურებული შემთხვევაა, აქედან 12 ახალი შემთხვევა დღეს გამოვლინდა. გამოჯანმრთელებულია 20 პირი, 83 კი კვლავ განაგრძობს მკურნალობას. ექიმების განცხადებით, 83–დან ექვსის მდგომარეობა ძალიან მძიმეა. კარანტინის რეჟიმშია 5 114 ადამიანი, სტაციონარში კი 263 პირს აკვირდებიან.

დღეს გახდა ცნობილი, რომ კორონავირუსით სამედიცინო სექტორის ერთი თანამშრომელი დაინფიცირდა.

მთავრობის გადაწყვეტილებით, ხვალიდან, 31 მარტიდან, საქართველოში საყოველთაო კარანტინი და „კომენდანტის საათი“ გამოცხადდა.პრემიერ–მინისტრის განცხადებით, 21:00 საათიდან 06:00 საათამდე გადაადგილება აიკრძალა. შეზღუდვა ეხება, როგორც ქვეითად, ასევე ტრანსპორტით მოსიარულეებს. მისივე თქმით, შეიქმნება ცხელი ხაზი, 144–ზე დარეკვის შემთხვევაში მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
ამავე თემაზე:

ყველაფერი საყოველთაო კარანტინის რეჟიმზე

რა სიმპტომები აქვს კორონავირუსს და როგორ დავიცვათ თავი ინფექციისგან?

კორონავირუსის ახალი შემთხვევები და დაავადებათა კონტროლის ცენტრის რეკომენდაციები

როგორია კორონავირუსის სიმპტომები და რა შემთხვევაში უნდა მიმართოთ ექიმს?

რა უნდა გაითვალისწინოთ თვითიზოლაციაში ყოფნის დროს – რეკომენდაციები

მსოფლიო ჯანდაცვის ორგანიზაციის მიერ შემუშავებული რეკომენდაციები

რით განსხვავდება ერთმანეთისგან COVID-19 და გრიპი?

რას ღონისძიებები გატარდება საგანგებო მდგომარეობის დროს – პრემიერ–მინისტრის განმარტებები


[sknews.ge]