საქართველოში სამედიცინო სექტორის ერთი თანამშრომელი დაინფიცირდა

„გვაქვს სამი შემთხვევა, რომლის წყაროებსაც ვერ ვადგენთ. როდესაც მსგავსი შემთხვევა იყო მარნეულში, ბოლნისი და მარნეული გამოცხადდა საკარანტინო ზონად. დღეს ჩვენ გვაქვს სამი ასეთი შემთხვევა. გარდა ამისა, სამედიცინო სექტორის თანამშრომელია ინფიცირებული. ეს გვაძლევს, სხვა მოცემულობებთან ერთად, შემდგომი ნაბიჯების გამკაცრების საშუალებას" – განაცხადა გიორგი გახარიამ.

პრემიერ–მინისტრის განმარტებით მედიკოსის ინფიცირება პაციენტის მხრიდან მოხდა და ეს არ უკავშირდება მოგზაურობას.

საქართველოში საყოველთაო კარანტინი ხვალ, 31 მარტს, 08:00 საათიდან გამოცხადდება. პრემიერ–მინისტრის, გიორგი გახარიას განცხადებით, საღამოს 9-დან დილის 6 საათამდე კომენდანტის საათი დაწესდება.

30 მარტის, 17:30 საათის მონაცემებით კორონავირუსით დაინფიცირებულია 100 ადამიანი.

[sknews.ge]