70 წელს ზემოთ მოქალაქეებს სახლიდან გასვლა ეკრძალებათ

„აკრძალულია 70 წელზე ზემოთ ჩვენი მოქალაქეების სახლიდან გასვლა გარდა იმ შემთხვევებისა, როდესაც ისინი მიდიან უახლოეს სასურსათო მაღაზიებში, უახლოეს აფთიაქსა და უახლოეს სამედიცინო დაწესებულებაში. იმ შემთხვევაში, თუ ჩვენი 70 წელს გადაცილებული მოქალაქეები არიან მარტოხელები, ეკონომიკის სამინისტროს, ჯანდაცვის სამინისტროსა და ადგილობრივ მუნიციპალიტეტებს ვალდებულება აქვთ, რომ მათ დაეხმაროს“, - აღნიშნა გიორგი გახარიამ.

საქართველოში საყოველთაო კარანტინი ხვალ, 31 მარტს, 08:00 საათიდან გამოცხადდება. პრემიერ–მინისტრის, გიორგი გახარიას განცხადებით, საღამოს 9-დან დილის 6 საათამდე კომენდანტის საათი დაწესდება.

30 მარტის, 17:30 საათის მონაცემებით კორონავირუსით დაინფიცირებულია 100 ადამიანი. მათ შორის ერთი სამედიცინო სექტორის წარმომადგენელია. ინიცირებული პაციენტებიდან ექვსის მდგომარეობა მძიმეა.

[sknews.ge]