სომხეთში საგანგებო რეჟიმი გამკაცრდა - პრემიერ ფაშინიანის განმარტება

ფოტო "ჰეთქი"

„ჩვენთვის თითოეული მოქალაქის სიცოცხლე ფასდაუდებელია და ყველაფერი უნდა გავაკეთოთ, რომ ამ ვირუსით არავინ დაიღუპოს“,– თქვა პრემიერ-მინისტრმა ნიკოლ ფაშინიანმა ფეისბუკის საკუთარ გვერდზე, პირდაპირ ეთერში.

ფაშინიანის ინფორმაციით, ინფიცირებულთა უმრავლესობა ერევნის „ნორქის“ ინფექციურ საავადმყოფოში მკურნალობს: ”ზოგიერთ მათგანს სიცხეც კი არ აქვს, რაც გვაძლევს იმედს, რომ ბევრი განიკურნება სამედიცინო ჩარევის გარეშეც კი. ინფიცირებულ მოქალაქეების დაახლოებით 30–ს აქვს ფილტვების ანთება, 5 მათგანი ინტენსიური თერაპიის განყოფილებაშია. ერთ-ერთის, 77 წლის მოქალაქის მდგომარეობა ძალიან მძიმეა, ასევე მძიმედ აფასებენ ექიმები ოთხის მდგომარეობას“.

ამ დროისთვის 868 ადამიანი კარანტინში, 2 419 კი თვითიზოლაციაში იმყოფება.

ნიკოლ ფაშინიანმა გამკაცრებული რეჟიმი ასე განმარტა: ”ჩვენს მოქალაქეებს, რომლებიც ქალაქში გამოვლენ, უნდა ჰქონდეთ მკაფიო ახსნა, თუ სად მიდიან და ეს განმარტება უკიდურესი საჭიროებას უნდა ეხებოდეს. ქუჩაში გამოსულ მოქალაქეს თან უნდა ჰქონდეს პირადობის მოწმობა, რეგისტრატორი მისგან სპეციალური ფორმის შევსებას მოითხოვენ“.

ნიკოლ ფაშინიანმა ასევე დააზუსტა, რომ კორონავირუსით ინფიცირებული კიდევ 4 მოქალაქე გამოჯანმრთელდა, ხოლო 37 კარანტინიდან გავიდა.

[რიმა სარუხანიან, ახალციხე]