სომხეთში კორონავირუსით ინფიცირებულთა რიცხვი 424–მდე გაიზარდა

ინფორმაციას ჯანდაცვის სამინისტროს, დაავადებათა კონტროლისა და პრევენციის ეროვნული ცენტრის ოფიციალური ვებგვერდი ავრცელებს.

ჯანდაცვის მინისტრის, არსენ თოროსიანის განცხადებით, კორონა
ვირუსით ინფიცირებული 55 წლის ქალი და 73 წლის კაცი, „ნორკის“ ინფექციურ საავადმყოფოში გარდაიცვალნენ. მათ კორონავირუსთან ერთად სხვა ქრონიკული დაავადებებიც ჰქონდათ.

გარდა ამისა, კორონავირუსზე ტესტირება 2054 პირს ჩაუტარდა, თუმცა ვირუსი არცერთ მათგანს დაუდასტურდა.

გუშინ, პრემიერ-მინისტრმა ნიკოლ ფაშინიანმა ფეისბუკზე დაწერა, რომ ქვეყანაში 35 ახალი დადასტურებული შემთხვევა დაფიქსირდა. მისი თქმით, ამ კვირაში ჯანდაცვის სამინისტროს მიერ დაწესებული შეზღუდვები მაქსიმალურად მკაცრად უნდა დაიცვან, რათა კორონავირუსის გავრცელება მასობრივად არ მოხდეს.

სომხეთში კორონავირუსით გარდაცვალების პირველი შემთხვევა 26 მარტს დაფიქსირდა.

[რიმა სარუხანიან, ახალციხე]