‘თუ ასე გაგრძელდება, საგანგებო რეჟიმი გახანგრძლივდება’ - ფაშინიანი

ნიკოლ ფაშინიანი არ გამორიცხავს, რომ შექმნილი მდგომარეობიდან გამომდინარე, ქვეყანაში საგანგებო რეჟმი გახანგრძლივდეს.

„თუ ყველაფერი ასე გაგრძელდება, ანუ მძიმე მდგომარეობა იქნება, ჩვენ კარანტინს გავახანგრძლივებთ“, – განაცხადა პრემიერ–მინისტრმა.

7 ივლისის მონაცემებით, სომხეთში COVID-19-ით კიდევ 349 ადამიანი დაინფიცირდა, გამოჯანმრთელდა 605 ადამიანი, ხოლო 12 გარდაიცვალა.

ქვეყანაში ინფიცირების შემთხვევათა რაოდენობა 29 285-მდე გაიზარდა, აქედან გამოჯანმრთელდა 16 907 პაციენტი, გარდაიცვალა 503.

ჯანდაცვის სამინისტროს დაავადებათა კონტროლისა და პრევენციის ეროვნული ცენტრის მიერ გამოქვეყნებული ინფორმაციის თანახმად, ბოლო 24 საათში დაღუპული პაციენტებიდან, ყველაზე ხანდაზმული 87 წლის იყო, ხოლო ყველაზე ახალგაზრდა 64 წლის.

ამჟამად სომხეთში კორონავირუსზე 11 711 ადამიანი მკურნალობს. ჩატარებული ტესტების საერთო რაოდენობაა 125 088.

[რიმა სარუხანიან, ახალციხე]