ხუთი ახალი შემთხვევის ინფიცირების წყარო ამერიკაში მოგზაურობაა - მარინა ეზუგბაია

თბილისის ინფექციური საავადმყოფოს სამედიცინო დირექტორის, მარინა ეზუგბაიას განმარტებით, 66 დადასტურებული შემთხვევიდან ინფექციურში 40 მკურნალობს, მათგან ხუთი ახალი შემთხვევაა.

„ამ ეტაპზე, სულ 32 პაციენტი გვლყავს, მათგან ერთი გაჯანმრთელებული კვლავ რჩება ჩვენთან და დღეს ეს მეცხრე გამოჯანმრთელებულიც დატოვებს კლინიკას. ახალი შმეთხვევებს რაც შეეხება, ხუთივე ამერიკის კლასტერიდან არის, სხვადასხვა დროს ჩამოსულები და როგორც კი გამოვლინდა ტემპერატურა და სიმპტონმები, მოგვაკითხეს ჩვენ“, - განმარტავს ეზუგბაია.

დღეს, 24 მარტს, კორონავირუსზე კიდევ შვიდი პაციენტის შემოწმება იგეგმება.

„სიტუაცია ჩვენთან ამ ეტაპზე ასეთია, სამი მძიმე პაციენტი გვყავს, რომელთა სიმძიმის განმაპირობებელი არის ასაკი. თანაარსებულ დაავადებებში კი განსხვავებაა. სამივე პაციენტთან არის პნევნომია და განსაკუთრებით მძიმეა ორი პაციენტის მდგომარეობა“.

[sknews.ge]