აწყურთან ავარიისას დაშავებულ კაცს ოპერაციას გაუკეთებენ

„ტრავმატოლოგის დიაგნოზით კაცს მარჯვენა ლავიწი აქვს დაზიანებული და დღეს, 17 მარტს მას ოპერაცია გაუკეთდება“,-გვითხრეს კლინიკა „იმედში“.

ავარია აწყურში გუშინ, 16 მარტს საღამოს მოხდა. თვითმხილველების ინფორმაციით, მძღოლმა საჭე ვერ დაიმორჩილა და მანქანა ამოტრიალდა.

შინაგან საქმეთა სამინისტრომ მომხდარზე ძიება სსკ-ის 276–ე მუხლის მეორე ნაწილით დაიწყო, რაც გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

[მარიამ ბარძიმაძე, ახალციხე]