აბასთუმნის საკარანტინო ზონაში 25 პირია

დღეს, 11 მარტს გამთენიისას აბასთუმანში ხუთი პირი შეიყვანეს. ისინი საქართველოში იტალიიდან პრაღის გავლით ჩამოვიდნენ და აბასთუმანში ქუთაისის აეროპორტიდან ჩამოიყვანეს.

მათგან ოთხი საქართველოს მოქალაქეა, ერთი კი რუსეთის.

„გუშინ საღამოს საკარანტინო ზონაში 18 ადამიანი იყო, შემდეგ ორი კიდევ დაემატა, დღეს დილით კი ხუთი შემოგვიყვანეს. ამჟამად 25 ადამიანს ვაკვირდებით“, - ამბობს ფილტვის ცენტრის კლინიკური მენეჯერი კახა ბერიძე.

[თაკო ფეიქრიშვილი, ადიგენი]