აბასთუმნის ფილტვის ცენტრიდან კარანტინში მყოფი პაციენტების გაწერა დაიწყო

„დღეს გავწერთ ორ ახალგაზრდა კაცს. კარგად არიან, თან საკარანტინო პერიოდიც გაუვიდათ“,- ამბობს აბასთუმნის ფილტვის ცენტრის კლინიკური მენეჯერი კახა ბერიძე.

მისივე თქმით, ხვალ ფილტვის ცენტრს კიდევ ორ მოქალაქე დატოვებს.

აბასთუმნის ფილტვის ცენტრში 27 თებერვლიდან დღემდე, 26 პირი შეიყვანეს, აქედან ერთი, ირანის მოქალაქე გორის საავადმყოფოში გუშინ, ოთხ მარტს გადაიყვანეს. მას ფეხზე ჰქონდა პრობლემა.

„თავიდანვე ფეხი აწუხებდა, რაღაც შესიება ჰქონდა ამიტომ გადავიყვანეთ“,-ამბობს ბერიძე.

დღეის მდგომარეობით საქართველოში კორონავირუსის ოთხი დადასტურებული შემთხვევაა.

[მარიამ ბარძიმაძე, ადიგენი]