აბასთუმნის საკარანტინო ზონიდან სამი პირი გაეწერება

ამ ეტზპე, ფილტვის ცენტრში განთავსებულ ბოქსირებულ პალატებში სულ 23 პირია, თუმცა სამის გაწერა დღეს იგეგმება. რაც შეეხება ახალ პაციენტებს, ისინი საკარანტინო ზონაში გუშინ საღამოს შეიყვანეს.

„ამ დროისათვის ყველას მდგომარეობა დამაკმაყოფილებელია. ორი პაციენტი წუხელ შემოგვიყვანეს ბულგარელი მძღოლები და მათ ჯერ ვაკვირდებით. სამი პაციენტის წასვლის შემდეგ, 20 დაგვრჩება“, – ამბობს აბასთუმნის ფილტვის ცენტრის კლინიკური მენეჯერი კახა ბერიძე.

შვიდი მარტის მდგომარეობით, საქართველოში კორონავირუსის სულ 13 შემთხვევაა დაფიქსირებული, მათი უმეტესობა იტალიაში მოგზაურობიდან არის დაბრუნებული.

[თაკო ფეიქრიშვილი, ადიგენი]